انواع البنات.........

بدي احكيلكم شوي عن انواع البنات يلي بنصح كل الشباب يتجنبوها اذا بدهم يقضوا بقية عمرهم براحة وبدون أمراض الضغط والسكر والجلطات

الشخصية الاولى : البنوتة الأنانية
هيك بنوتة رح تدخلك بعالمها من أوسع الابواب مع أرمة مكتوب عليها ( ضع نفسك خارجاً)
وتصير طلباتها هي غاية الحياة و أنت باخر الاهتمامات ( اذا كان حظك حلو ودخلت بالتصنيف )

الشخصية التانية : البنوتة المغرورة
وطبعا هيك شخصيات منشوفها كتير بحياتنا اليومية ويمكن تنبهروا فيها بأول دقيقة بس بعدين رح تأمن بالحكمة القائلة ( ليس كل ما يلمع ذهباًً) لما تكتشف إنو التنك كمان ممكن يلمع

الشخصية التالتة: البنوتة العصبية
يلي بتصبحك بخناقة وبتمسيك بموشح وموال وبتصير متل يلي ماشي بحقل ألغام أخرته لغم تطير حالك وتطيرها فيه وتخليها تكمل عصبيتها على نفسها ( لأنو ما حدا رح يغلط نفس غلطتك )

الشخصية الرابعة : البنوتة العنيدة
يلي بتقلها تيس ... بتقلك حلبو
اذا خطر على بالك تقرب من هيك بنوته اسمع نصيحتي ( اعمل لشخصيتك ديليت )

الشخصية الخامسة : البنوتة المثقفة
لا تفكر هيك بنوته رح تريحك من منطلق إنها متعلمة ومثقفة ورح تقدر تتحاور معها
بعد ما تتعمق العلاقة بيناتكم رح تكتشف إنو الشي الوحيد يلي بتملك ثقافة فيه هو الجدال
وتثبت إنها على حق حتى لو ما كانت بتعرف الطيخ من البطيخ

الشخصية السادسة : البنوتة المستقلة
يلي بتنادي بحقوق المرأة وبدها تعيش الحياة متل ما بدها وكيف ما بدها ( مو هي الاستقلالية ؟)
وبالمقابل لازم إنك تعيش متل ما بدها , طيب لييييييش ؟!!! ( الجواب بسيط لأنها مستقلة )
طيب وإنت ؟!!!!! ( مو ضروري المهم هي تكون مستقلة ) يعني تفكير ون واي

الشخصية السابعة : البنوتة القوية
بتعتبر إنو تحطيم الرجل هواية والحق معها دائما ولازم تخضع لأرائها وبتصير بتسأل حالك ليل نهار ( البنوته يلي بتعرفها هي فعلا بنوتة متل ما هو واضح عليها , أو لا تكون غلطت بالعنوان واتعرفت على شب بالغلط !!!!! )

الشخصية التامنة : البنوتة المتحررة
لا تنتقد لبسها أو أفكارها مشان ما تكون متخلف و جاهل و مشي نظرات الشباب لألها بدون ما تعترض مشان تصير مثقف ومتحضر ( مو المهم التانيين شو بشوفوا , المهم قلبها إلك !!!!!) لا تعليق

الشخصية التاسعة : البنوتة المسرفة
اذا ما كنت قاعد على بنك وعندك رغبة من أيام الطفولة إنك تفلس ...... فلااااااااااا تقرب

الشخصية العاشرة : البنوتة الحلوة
مستعد تقدم كل شي بدون ما تاخد شي ؟ اذن الجواب بنعم اتعرف على هيك بنوتة لأنها بدها كل شي وبالمقابل حميد ربك واشكره لأنها قبلانه فيك ... ما بكفيك تعرف وحده حلوة متلها ولا بدك كل شي ؟ كأنك أخدت شي عليه القيمة , وبعد فترة رح تكتشف إنو جمالها لغيرك مو إلك لأنها بكل بساطة بتكون صارت عادية بعينك وبنفس الوقت اتدبست فيها

هي اعزائي شخصيات نسائية بتصور مافي واحد من الشباب ما مرقت معو بس مالقى الوقت إنو يصنفها وطبعا لسا باقي كتير شخصيات يلي بعد ما تقراها بتكتشف إنك ما بتكون اتعرفت على بنوتة بقدر ما تكون اتعرفت على ( هم ومشاكل ) بهيئة بنوتة


لا تزعلوا يا بنات ويا صبايا , مو انتوا ديمقراطيين وبتأمنوا بحرية التعبير ؟
واكيد مو كل البنات هيك , يعني ممكن يلتقى شي خمسه بالميه ممكن الواحد يعاشرهم
ولا تاخدوها بشكل شخصي , كلها مزح بمزح

مشكووووووووووورة عالموضوع المميز